Dominika ya 4 ya pasaka mwaka “A”. tarehe 11/05/2014

JUMAPILI DOMINIKA YA 4 ya Pasaka ya Mwaka A.

      RATIBA ZA IBADA 

KIGANGO CHA MH. ISIDORI BAKANJA- BOKO.

MISA YA KWANZA 12:15-2:00 ASUBUHI

MISA YA PILI     SAA 2:00-4:00 ASUBUHI

MISA YA TATU SAA 4:00-5:30 ASUBUHI

KIGANGO CHA MT. FRANCIS WA ASIZ-MBWENI 

MISA YA KWANZA SAA 1:10-3:00 ASUBUHI

MISA YA PILI SAA 3:00-4:30 ASUBUHI

KIGANGO CHA MT. RAFAEL-MBWENI MALINDI

SAA 1:00-3:00 ASUBUHI.
MISA YA PILI SAA 3:00-5:00

KIGANGO CHA ANTHONY WA PADUA-MBWENI TETA
MISA NI SAA 3:00-5:00.

SOMO 1. Mdo.2:14a, 36 – 41

Siku ya Pentekoste Petro akasimama pamoja na wale kumi na mmoja, akapaza sauti yake, akawaambia, basi nyumba yote ya Israel na wajue yakini ya kwamba Mungu amemfanya Yesu huyo mliyemsulubisha kuwa Bwana na Kristo. Walipoyasikia haya wakachomwa mioyo yao, wakamwambia Petro na Mitume wengine, Tutendeje, ndugu zetu? Petro akawaambia, Tubuni mkabatizwe kila mmoja kwa jina lake Yesu Kristo, mpate ondoleo la dhambi zenu, nanyi mtapokea kipawa cha Roho Mtakatifu kwa kuwa ahadi hii ni kwa ajili yenu, na kwa watoto wenu, na kwa watu wote walio mbali, na kwa wote watakaoitwa na Bwana Mungu wetu wamjie. Akawashuhudia kwa maneno mengine mengi sana na kuwaonya, akisema, jiokoeni na kizazi hiki chenye ukaidi. Nao waliolipokea neon lake wakabatizwa; na siku ile wakaongezeka wata wapata elfu tatu.

WIMBO WA KATIKATI; Zab. 23:1-6

(Kitikio)

Bwana ndiye mchungaji wangu sitopungukiwa na kitu au Aleluya

SOMO 2: 1Pet. 2:20b – 25

Kustahimili, mtendapo mema na kupata mateso, huu ndiyo wema hasa mbele za Mungu. Kwa sababu ndio mlioitiwa; maana Kristo naye aliteswa kwa ajili yenu, akawaachia kielelezo, mfuate nyanyo zake. Yeye hakutenda dhambi, wala hila haikuonekana kinywani mwake. Yeye alipotukanwa, hakurudisha matukano; alipoteswa, hakuogopa; bali alijikabidhi kwake yeye ahukumuye kwa haki. Yeye mwenyewe alizichukua dhambi zetu katika mwili wake juu yam ti; ili, tukiwa wafu kwa mambo ya dhambi, tuwe hai kwa mambo ya haki; na kupigwa kwake mliponywa. Kwa maana mlikuwa mnapotea kama kondoo; lakini sasa mmemrudia Mchungaji na Mwangalizi

wa roho zenu.

 SHANGILIO. Yn. 10:14

Mimi ndimi mchungaji mwema; nao walio wangu nawajua; nao walio wangu wanijua mimi

Aleluya

INJILI.:Yn. 10:1-10

Yesu aliwaambia Wayahudi, Amin, amin, nawaambieni, Yeye asiyeingia mlangoni katika zizi la kondoo, lakini akwea penginepo, huyo ni mwizi naye ni mnyang’anyi. Aingiaye mlangoni ni mchungaji wa kondoo. Bawabu humfungilia huyo, na kondoo humsikia sauti yake; naye huwaita kondoo wake kwa majina yao, na huwapeleka nje. Naye awatoapo nje kondoo wake wote, huwatangulia; na wale kondoo humfuata, kwa maana waijua sauti yake. Mgeni hawatamfuata kabisa, bali watamkimbia; kwa maana hawazijui sauti za wageni. Mithali hiyo Yesu aliwaambia; lakini wao hawakuelewa na mambo hayo aliyowaambia. Basi Yesu aliwaambia tena, Amin, amin, nawaambieni, Mimi ndimi mlango wa kondoo. Wote walionitangulia ni wevi na wanyang’anyi; lakini kondoo hawakuwasikia. Mimi ndimi mlango; mtu akiingia kwa mimi, ataokoka; ataingia na kutoka, naye atapata malisho. Mwivi haji ila aibe na kuchinja na kuharibu; mimi nalikuja ili wawe na uzima, kasha wawe nao tele.

Mdo - kitabu cha Matendo ya Mitume

1Pet - kitabu cha waraka wa kwanza  wa mtu Petro kwa watu wote

Yn -  kitabu cha muinjili Yohana.

Na Abel Reginald……………….niwatikieni maandalizi mema ya Dominika

usikose kuhudhuria kwenye kikao cha Halmashauri ya VIWAWA Parokia ya Boko mara baada ya Misa ya kwanza Kigangoni Rafael