Wasifu wa Padre Prosper Balthazar Lyimo aliyeteuliwa kuwa Askofu msaidizi, Jimbo kuu la Arusha, Tanzania

Baba Mtakatifu Francisko amemteua Mheshimiwa Padre Prosper Balthazar Lyimo, kuwa Askofu msaidizi wa Jimbo kuu la Arusha, Tanzania.
Wasifu wake
Askofu mteule Prosper Balthazar Lyimo alizaliwa Kyou – Kilema, Jimbo Katoliki la Moshi, tarehe 20 Agosti 1964 . Baada ya masomo yake ya shule ya msingi huko Maua na Arusha, alijiunga na Seminari ndogo ya Jimbo Katoliki Arusha. Alipata masomo yake ya Falsafa kwenye Seminari kuu ya Kibosho, iliyoko Jimbo Katoliki la Moshi na masomo ya Taalimungu alipata Seminari kuu ya Kipalapala, iliyoko Jimbo kuu la Tabora.
Baada ya majiundo yake ya Kikasisi, akapadrishwa Jimbo kuu la Arusha kunako tarehe 4 Julai 1997. Tangu wakati huo amekuwa ni mlezi katika Seminari ndogo ya Jimbo kuu la Arusha kuanzia mwaka 1997 hadi mwaka 1999. Kuanzia mwaka 2000 hadi mwaka 2004 alikuwa ni Katibu mkuu wa Jimbo kuu la Arusha. Kunako mwaka 2004 hadi mwaka 2007 alipelekwa na Jimbo kwa ajili ya masomo ya juu mjini Roma, kwenye Chuo kikuu cha Kipapa cha Urbaniana. Kunako mwaka 2007 hadi mwaka 2008 alikuwa ni Katibu mkuu wa Jimbo kuu la Arusha
Kuanzia mwaka 2008 hadi mwaka 2011 Askofu mteule Prosper Balthazar Lyimo, alitumwa na Jimbo kuu la Arusha kwa ajili ya masomo ya juu nchini Canada na huko akajipatia shahada ya uzamivu kutoka katika Chuo Kikuu cha Mtakatifu Paul, kilichoko mjini Ottawa. Na kunako mwaka 2011 alirejea nchini Tanzania na kupangiwa kazi ya kuwa Katibu mkuu na Mkuu wa Mahakama ya Jimbo kuu la Arusha.
Askofu mteule Lyimo kabla ya uteuzi huu alikuwa ni Katibu mkuu wa Jimbo na Mkuu wa Mahakama ya Kanisa Jimbo kuu la Arusha.

Jumapili ya 6 ya Mwaka B wa Kanisa tarehe 15/2/2015

15

 FEBRUARY

 Jumapili: Dominika ya 6 ya Mwaka "B".
SOMO  1.  Law. 13:1-2, 44-46
 Somo katika kitabu cha Walawi
Bwana alinena na Musa na Haruna, na kuwaambia, mtu atakapokuwa na kivimbe katika ngozi ya mwili wake, au kikoko, au kipaku king'aacho, nalo likawa pigo la ukoma katika ngozi ya mwili wake, ndipo atakapoletwa kwa Haruni kuhani, au kwa wanawe, makuhani mmoja wapo; yeye ni mtu mwenye ukoma, yu najisi; na kuhani hana budi atasema kuwa yu najisi; pigo lake li katika kichwa chake. Kisha mwenye ukoma aliye na pigo ndani yake, nguo zake zitararuliwa, na nywele zake za kichwa chake zitaachwa wazi, naye atafunika mdomo wake wa juu, naye atapiga kelele, ni najisi. Siku zote ambazo pigo li ndani yake, yeye atakuwa mwenye unajisi; yeye yu najisi; atakaa peke yake; ,makazi yake yatakuwa nje ya marango

Askofu mteule wa jimbo la Shinyanga amekiri Kanuni ya Imani na kula kiapo cha utii kwa Kanisa anapotekeleza dhamana na wajibu wake wa kufundisha, kuongoza na kuwatakatifuza watu wa Mungu,

Askofu mteule Liberatus Sangu wa Jimbo Katoliki Shinyanga, Jumanne tarehe 10 Februari 2015 katika Ibada ya Liturujia ya Neno la Mungu, iliyoongozwa na Askofu mkuu Savio Hon Tai-Fai, Katibu mkuu wa Baraza la Kipapa la Uinjilishaji wa Watu amekiri Kanuni ya Imani na kula kiapo cha utii kwa Kanisa anapotekeleza dhamana na wajibu wake wa kufundisha, kuongoza na kuwatakatifuza watu wa Mungu, huku akiwa ameungana na Maaskofu wenzake.

Alhamisi, 12 Februari 2014 Juma la 5 la Mwaka

"Asali itokayo Mwambani"

Mwa 2:18-25;
Zab 128:1-5;
Mk 7:24-30;

Imani huamisha milima

Katika Injili ya leo, Yesu anamfukuza pepo kutoka kwa binti wa mwanamke Mkanaani. Yesu, hapa, alijionyesha kama mwanga wa mataifa. Wayahudi walimkataa Kristo, lakini watu wa mataifa wali mkaribisha na wakamwamini. Mwanamke wa Kikanaani, alikuwa mgeni kwa jamii ya Israeli, lakini imani yake katika Yesu ilkua zaidi kuliko imani ya Wayahudi. Imani ya mwanamke huyu ilikuwa kubwa. Hata katika tusi dhahiri ya Yesu, ambaye alimwita 'mbwa,' yeye aliibuka kama mwanamke wa imani kubwa, ambayo haiwezi kulinganishwa na yoyote ya Wayahudi. Hii ilikuwa kama ile ya kumpima Ibrahimu. Je, una imani kama mwanamke wa Kikanaani?

Maombi: Bwana, Nisaidie kuongeza Imani yangu kwako Amina!

Bonyeza LIKE kwa ukurasa wetu
www.facebook.com/viwawaboko

tarehe 18/02/2015, ni jumatano ya majivu tuanze kujianda kwa safari ya ukombozi........

Masomo ya dominika ya 5 mwaka B wa kanisa(tarehe 08/02/2015

08

 FEBRUARY

 Jumapili: Dominika ya 5 ya Mwaka "B".
SOMO  1. Ayu. 7:1-4,6-7
 Ayubu alianza kusema:Je! Mtu hana wakati wake wa vita juu ya nchi? Na siku zake, je!si kama siku za mwajiri? Kama mtumishi atamaniye sana kile kivuli, kama mwajiri anayetazamia mshahara wake; ni vivyo nami nimepewa miezi ya ubatili iwe fungu langu, Nami nimeandikiwa masiku yenye kuchokesha. Hapo nilalapo chini,nasema, nitaondoka lini? Lakini usiku huwa mrefu; Nami nimejawa na kujitupa huku na huku hata kupambazuke. Siku zangu hupita upesi kuliko chombo cha kufumia, nazo zapita pasipokuwa na matumaini. kumbuka ya kwamba maisha yangu ni upepo; jicho langu halitaona mema tena.

Mwaka watawa wafunguliwa rasmi Jimbo kuu la Dar es salam

Baraza la Maaskofu Katoliki Tanzania linafungua rasmi Maadhimisho ya Mwaka wa Watawa Duniani, uliotangazwa na Baba Mtakatifu Francisko, tarehe 2 Februari 2015, Siku kuu ya kutolewa Bwana Hekaluni, sanjari na maadhimisho ya siku ya kumi na tisa ya watawa duniani, iliyoanzishwa na Mtakatifu Yohane Paulo II. Maadhimisho haya yanafanyika katika ngazi ya Kijimbo na katika baadhi ya Majimbo makuu.  

Hayo yamesemwa na Askofu Renatus Nkwande, Mwenyekiti wa Tume ya Mashirika ya Kitawa na Kazi za Kitume, Baraza la Maaskofu Katoliki Tanzania katika mahojiano maalum na Radio Vatican. Kwa namna ya pekee anasema, Watawa wanapaswa kuwa ni mashuhuda wa imani dhidi ya ukanimungu, kwa kujikita katika maongozi ya Mungu, Injili ya Kristo na Mashauri ya Kiinjili.

Mons. Liberatus Sangu ateuliwa kuwa Askofu Mpya wa Jimbo Katoliki la Shinyanga, Tanzania!

Baba Mtakatifu Francisko amemteua Monsinyo Liberatus Sangu kutoka Jimbo Katoliki la Sumbawanga, kuwa Askofu mpya wa Jimbo Katoliki Shinyanga, Tanzania. Kabla ya uteuzi wake, Askofu mteule Sangu alikuwa ni Afisa mwandamizi katika Baraza la Kipapa la Uinjilishaji wa watu mjini Vatican.